A Policía Local de Ribeira vén de abrir dilixencias para un xuízo rápido por un presunto delito contra a seguridade viaria a un condutor que circulaba sen permiso por perda de todos os puntos do carné, ademais de carecer
de seguro e dar positivo por drogas.
A incidencia aconteceu a madrugada pasada (en torno ás cinco da mañá) na avenida da Coruña. O individuo en cuestión deu positivo en cocaína e anfetaminas, ademais de constatarse que tiña perdidos os puntos totais asignados legalmente no seu carné de conducir. O vehículo foi inmobilizado e retirado pola grúa municipal.
Os empresarios de Ribeira impulsan coa Deputación e o Concello o proxecto para mellorar a estrada do novo polígono
Os representantes da Asociación de Empresarios de Ribeira reuníronse este 24 de abril, na súa sede, coa deputada de Obras da Deputación da Coruña, Mónica Rodríguez. Na xuntanza participaron o presidente da patronal, o tenente de alcalde do Concello de Ribeira, Vicente...