A aula CeMIT de Ribeira impulsará a empregabilidade e a inclusión con obradoiros TIC

26 Outubro 2020

A Axencia para a Modernización Tecnolóxica de Galicia (AMTEGA) e a entidade colaboradora Red Araña están a impulsar unha serie de programas formativos para promover a inserción laboral de persoas desempregadas a través da capacitación dixital. As actividades, que teñen financiamento da Xunta, desenvolveranse en sete aulas da Rede CeMIT durante outubro e decembro presencialmente (mentres as autoridades sanitarias o permitan) e por vídeo-conferencia. Terán feitura de obradoiros TIC para mellorar a empregabilidade, actividades de networking, talleres de habilidades sociais, creación de ideas de negocio, etc.

A aula CeMIT de Ribeira é un dos espazos que participa finalmente neste programa.

Segundo informa AMTEGA, a través destes programas formativos as persoas participantes “terán a oportunidade de adquirir competencias e destrezas dixitais, mellorar e potenciar as habilidades sociais, deseñar unha estratexia de promoción de contactos persoais e profesionais offline e online, aprender a traballar en equipo e incentivar a creatividade”.

Ademais, os obradoiros complementaranse con itinerarios personalizados e sesións interactivas onde as e os asistentes recibirán recursos para axudarlles na procura de emprego como as claves para afrontar una entrevista de traballo; aumentar a súa rede de contactos profesionais e persoais a través do networking; facilitar o seu acceso a procesos de selección, así como impulsar novas ideas de negocio e fomentar a cultura emprendedora.

As persoas interesadas en participar tan só deberán cumprir co requirimento de estar en procura de emprego coa tarxeta do Servizo Público de Emprego activa e o DNI vixente e estar dados de alta como usuarios CeMIT para inscribirse nas actividades dispoñíbeis a través das aulas CeMIT ou na web CeMIT segundo o seguinte calendario:

O Taller de habilidades dixitais e Networking, previsto para o 26 e 27 de outubro na aula de Ribeira.

Taller de Competencias dixitais básicas orientadas á mellora da empregabilidade das mulleres que celebrarase os días 28, 29 e 30 de outubro e o 2 e 3 de novembro en horario de 10:30 a 14:30 horas en Ribeira

Taller de mellora de habilidades sociais no voluntariado (neste caso non sería un requirimento necesario ter a tarxeta do SEPE activa) previsto para o 4 e 5 de novembro en horario de 9:00 a 14:00 horas na aula de Valga

Taller de Competencias dixitais avanzadas orientadas á mellora da empregabilidade e Obradoiro de habilidades dixitais, os días 6, 9, 10, 11 e 12 de novembro en horario de 09:30 a 13:30 nas aulas de Poio, e Valga, e os días 16, 17, 18, 19 e 20 de novembro en horario de 09:30 a 13:30 nas aulas de Cerceda, Fisterra e Ortigueira celebrarase unha edición en nivel básico.

Taller de creación de ideas de negocio previsto para o 27 de novembro en horario de 9:00 a 14:00 horas nas aulas de Ortigueira, Poio, Pontedeume e Valga.

Red Araña, entidades polo emprego

É unha organización de acción social de carácter non lucrativo que busca promover actuacións que permitan a inserción sociolaboral dos desempregados/as con especial atención a aqueles colectivos vulnerábeis. A súa misión é a de agrupar e facilitar o desenvolvemento do maior número de entidades sociais que traballan nesta inserción xerando experiencias empresariais sustentábeis, comprometidas co seu entorno e que permitan o acceso ao mercado de traballo a aquelas persoas con maiores dificultades.

Outros artigos

Aguiño será sede da ACT o vindeiro sábado día 20 de xullo

Hoxe déronse cita na escultura dos percebes de Aguiño, os alcaldes de Ribeira, Boiro, A Pobra do Caramiñal, a xerencia da Mancomunidade Barbanza Arousa, o patrón maior de Aguiño, edís do concello de Ribeira e a xunta directiva da ACT para presentar a proba de remo...

+

Publicidade

Revista en papel

Opinión

“Sete anos non son nada?”. Antón Luaces

“Sete anos non son nada?”. Antón Luaces

Na mencida do 24 de abril de 2017, tres mariñeiros de Poio perderon a vida nun accidente protagonizado pola embarcación de baixura Nuevo Marco. Foi na ría de Pontevedra, e sete anos máis tarde -coma se ocorrese onte- a Xunta informa que comeza a adopción de medidas...

“Hay jueces que hacen política”. Manuel Velo

“Hay jueces que hacen política”. Manuel Velo

Hay jueces y líderes del PP que al unísono acusan al legislativo y al gobierno de que no respetan la separación de poderes cuando ellos son los primeros en no hacerlo. La separación de poderes exige lo siguiente. El poder emana de la soberanía del pueblo eligiendo al...