Dúas persoas faleceron nas últimas horas no Hospital Lucus Augusti de Lugo ( HULA) diagnosticadas con COVID-19, co que a cifra total de mortes desde que comezou a pandemia ascende a 661 en Galicia. Ambas as persoas procedían de residencias de maiores: unha situada no Incio (Lugo) e a outra en Outeiro de Rei (Lugo)
En concreto, a Consellería de Sanidade informou do falecemento dunha muller de 89 anos e un home de 88. Ambos se atopaban hospitalizadas no Hospital Lucus Augusti ( HULA). En ambos os casos presentaban patoloxías previas, sinalaron as mesmas fontes.
O falecido procedía da residencia do Incio, intervida pola Xunta e que rexistra un brote con máis dun centenar de afectados. Con este deceso, son xa 15 os mortos relacionados con este foco.
Pola súa banda, a muller morta nas últimas horas con coronavirus é a primeira vítima do brote rexistrado no xeriátrico DomusVi de Outeiro de Rei, onde se detectaron, segundo as últimas cifras ofrecidas por Sanidade, máis de 50 casos entre usuarios e traballadores.
Na área sanitaria Santiago-Barbanza rexistranse 688 casos activos, 54 novos positivos. Un total de 43 pacientes recibiron o alta nas últimas horas, sumando 133 en só catro días. Hai 16 hospitaliazados no CHUS, dous mais que onte, un deles nunha unidade de críticos. Hai 2.066 pacientes curados, e realizaronse 55.931 PRCs.
