En Palmeira na rúa Banda ao Río esquina rúa Vella, estase evidenciando un descalce do muro de fàbrica elaborado a base de pezas de bloque de formigón sobre encachado de pedra que delimita a leira particular coa
estrada de entrada ao Porto palmeirán.
Neste tramo de vía pública, está prohibido estacionar tal como se entende coa sinalización horizontal, e a pesar diso, distintos vehículos pairan no lugar, o que provoca asentamento do terreo.
Segundo informan os socialistas e aportan as fotos, a pavimentación da vía
veciñal non se executou na súa totalidade, quedando unha coquera
significativa no lugar, que axuda ao descalce do muro divisorio.
É por iso que o Grupo Municipal Socialista pide ao Grupo de Goberno municipal que se realice unha verificación do exposto, por persoal
competente, en aras de liquidar a posible responsabilidade municipal.
