A Xunta activa unha ferramenta para controlar contaxios nos centros escolares: EduCOVID

21 Setembro 2020

Co fin de resolver dúbidas sanitarias dos centros escolares e mellorar ao máximo a comunicación ao fío da pandemia entre os seus integrantes e as administracións sanitarias, a Xunta vén de pór en marcha unha plataforma educativa de uso interno chamada EduCOVID. A ferramenta online está xa plenamente operativa, logo dunha sesión formativa-informativa cos centros docentes celebrada este venres, na que participaron técnicos das consellerías de Educación e de Sanidade, así como da axencia autonómica AMTEGA. Segundo fixeron saber, permitirá xerar alertas de positivos e activar protocolos sanitarios.

Tamén recordaron que a información rexistrada nesta plataforma será “accesíbel para o persoal sanitario determinado pola administración sanitaria, e estará disposición da Central de Seguimento de Contactos para que se poidan tomar as decisións que correspondan para cada caso e realizar rastrexos”.

Como funciona EduCOVID?

Cando un profesional ou alumno resulte positivo nunha proba PCR, os técnicos da Central de Seguimento de Contactos accederán a EduCOVID, onde poden buscar o centro educativo ao que pertencen e rexistrar unha solicitude dos contactos próximos dese positivo.

Os membros do equipo COVID do centro educativo, previamente rexistrados na aplicación, reciben o aviso nos seus dispositivos móbiles, visualizan ese expediente de petición de contactos do alumno ou profesor e acceden aos grupos de convivencia que suxire o sistema. A partir de aí o centro educativo seguirá as instrucións da CSC e engadirá ou eliminará contactos desas listaxes. Unha vez finalizado ese proceso, o sistema remite a información dos contactos solicitados aos técnicos da Central de Seguimento de Casos que contactan con eles e adoptan as medidas sanitarias oportunas.

Outros artigos

Xoves regresa o sol e sobe a temperatura

Galicia irá quedando durante o xoves baixo influencia anticiclónica. Con esta situación, agárdanse bancos de néboa matinais en zonas de interior, que darán paso a ceos con poucas nubes en xeral. As temperaturas mínimas terán un lixeiro descenso, mentres que as máximas...

+

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...

“Transcendencia”. Xulio Xiz

“Transcendencia”. Xulio Xiz

Hai uns días, pasando ao lado do edificio da Subdelegación do Goberno, escoitei a voz de Alberto Cortez, procedente dunha fiestra veciña, cantando “El abuelo”. A canción fíxome pensar nas raíces galegas do cantante arxentino, na influencia dos galegos na conformación...