A ABE forma ao empresariado local en mercadotecnia online

29 Setembro 2020

Este martes 29 de setembro deu comezo na sede da Asociación Boirense de Empresarios (ABE) unha actividade formativa destinada a converter ás e aos representantes do tecido comercial e empresarial en expertas e expertos no uso das novas ferramentas. O curso Marketing Dixital e Redes Sociais, de 15 horas de duración, vai encamiñado a achegar recursos para incrementar a rendibilidade, a competitividade, a eficiencia e a apertura de mercados dos negocios boirenses.

Está a ser impartido por un dos nosos grandes expertos en mercadotecnia online, Javier Rocamora, experto en xestión comercial innovadora e colaborador habitual de Marketing For eCommerce, unha das publicacións online de referencia a nivel nacional en comercio electrónico. Rocamora ten traballando, fornecéndoas de recursos para optimizar os seus negocios, con empresas como Telefónica, Applus, Carrefour, Media Markt, Grupo Vegalsa-Eroski, Pescanova, Elogia Media, BAP Conde ou Roi Scroll, entre outras moitas.

No curso de Boiro participan dúas ducias de empresarias e empresarios de diferentes sectores de actividade. No obradoiro, que se vai artellar en tres sesións de 5 horas, abordaranse diferentes contidos da publicidade e dos negocios nas redes, da Internet e das redes sociais.

Esta acción formativa presencial estase a desenvolver na aula polivalente da ABE que conta con 100 metros cadrados e que ten capacidade para garantir unha distancia entre alumnos de 3 metros o que, en palabras da ABE, “faina cómoda e segura ao cumprir co dobre de distanciamento de seguridade do que pide a normativa actual”.

Outros artigos

Roubo na igrexa parroquial de Cures en Boiro

A igrexa parroquial de Cures en Boiro rexistrou un roubo onde foron subtraídas seis cadeas de ouro e unha medalla que adornaban a tres virxes: a Virxe dos Dolores, a Virxe do Carmen e Santa Rita. O párroco, Marcelino Barros, expresou o seu pesar ante os feitos,...

+

Publicidade

Revista en papel

Opinión

“Grosera manipulación del CIS”. José Castro López

“Grosera manipulación del CIS”. José Castro López

Todas las encuestas previas a las elecciones del 18-F acertaron en la intención del votode los gallegos con diferencias mínimas en la adjudicación de escaños. Todas, menoslas promovidas por un medio de comunicación cercano al Gobierno de España y las tresque realizó...

“Son os anos…”. Xulio Xiz

“Son os anos…”. Xulio Xiz

Anos e experiencia permítenme ser un optimismo relativo que ve o arredor coa mellor das perspectivas, estimando que a maioría das persoas fai as cousas o mellor que pode, e as administracións teñen intención benéfica nas accións que enfrontan. Os anos danme...