Éxito de convocatoria e organización na XIV Regata Gadis convocada polo Club Náutico e Deportivo de Riveira, con espectáculo deportivo incluído nun trazado costeiro pola Ría de Arousa de 12 millas de percorrido.
Caras novas no máis alto do podio respecto a a edición de 2019,
onde os postos dourados foron ocupados por quen roldaba o cetro
dun clásico como é a Gadis na Comarca do Barbanza.
Con esta guisa, o Ziralla Primeiro, de Ramón Barreiro, do Ro Yachts Club facíase co triunfo na División dos máis poderosos, os Regata, seguindo o seu ronsel na segunda praza o Chispetrén, de Jesús Iglesias, do Club Náutico Arousa Norte. Terceiro era o Corsario, de Javier Durán, do Club Náutico de Vilagarcía.
Na Clase Cruceiro/Regata gañou o Sadamar, de Nito Enríquez, do Club Marítimo A Penela, seguido do vencedor na pasada edición da categoría, o Cámping Ría de Arousa, de José Manuel Pombar, da Real Federación Galega de Vela. Terceiro foi o A Píllara, de José Manuel Ben, do Club Náutico e Deportivo de Riveira.
Por último, a Clase Cruceiro foi para o Piko Norte, de José Manuel Castro, do Club Náutico de Boiro, que tan boa tempada estival está a realizar desde que volveu a competición. O segundo posto foi para o Arousa VI, de Torres Colomer, presidente do club anfitrión, o Deportivo de Riveira. E terceiro o Leonciño, de Domingo Pérez, tamén de Riveira.
O Comité da Regata deu con puntualidade a saída ás 14.00 horas, elixindo o numeral 8 dos 12 posibles. Con 12 millas de percorrido trazouse desde a saída un desmarque coa proa cara a Punta Lucía, situada en extremo oeste da Praia de Coroso. Tras virar a boia fondeada para o efecto os veleiros puxeron rumbo cara aos Esqueiros por Babor, Rúa por Babor, Moscardiño tamén tomada por Babor, Maño por Estribor e chegada nas inmediacións do porto de Riveira.
A entrega de premios celebrouse ás sete da tarde nas instalacións do club, asistindo á mesma o Alcalde de Riveira, Manuel Ruiz; o Delegado de Gadis en Riveira; o Capitán Marítimo de Vilagarcía, Manuel Martínez; o Xefe do Posto de Inspección Fronteiriza, José Carlos Matilla; a presidenta da Asociación Local de Cruz Vermella, Ángeles Cores; sendo anfitrión do acto o presidente do Club de Riveira, José Luís Torres Colomer.
