Seguen crecendo os lectores do noso diario dixital “obarbanza.gal” e da nosa revista mensual “O Barbanza”

Rematou xullo e o noso diario dixital “obarbanza.gal” segue crecendo mes a mes, e este que acaba de rematar eleva a 26.564 o número de usuarios únicos. No que vai de ano o noxo xornal dixital leva servidas 4.538.537 noticias, cunha media diaria en xullo de 26.745 novas. Os que nos visitan proceden de 80 países. Por orde loxicamente Galicia e España ocupan o ranquing, síguelle Estados Unidos, Romania que ocupa o terceiro posto en visitas, Francia, Alemaña, Canadá, Emiratos Árabes, Indonesia, Irlanda, Singapur, Noruega, Gran Bretaña, Australia, India e Ucraína, completan o top 15 dos países con mais leitores de O Barbanza, datos que indican a presenza de emigrantes da comarca que traballan en empresas que desenvolven actividade neses países. A medio camiño están países latinamericanos con presenza de galegos.

A incorporación de sinaturas na sección opinión, está a ter unha magnífica acollida cunha media que supera o medio millar de descargas por artigo. Tamén a nosa rede social facebook acaba de superalos mil siareiros e segue crecendo a diario.

A nosa edición mensual impresa está tamén a ter unha magnífica acollida. Acaba de superalo ano de vida co número 12 e cunha tirada de 7.000 exemplares por número e a súa distribución abrangue desde Rianxo, Boiro, A Pobra, Ribeira, O Son e Dodro e Noia.

A todos o noso agradecemento e pedirvos o apoio para difundila nosa web e que se incremente o número de visitas na páxina e en redes sociais. (facebook: obarbanza; twtitter: @obarbanzagal; instagram @o_barbanza e o noso WhatsApp a onde podedes mandar notas, comunicados e fotos 608 240 160. O noso email: redaccion@obarbanza.gal).

Esperamos seguir contando co voso apoio e grazas anticipadas pola vosa colaboración.