Os servizos de emerxencias rescatan a unha persoa que quedou atrapada dentro dun turismo despois de sufrir un accidente na AC-550, en Porto do Son.
Segundo a información facilitada ao 112 Galicia, tratouse da saída de vía dun coche no lugar da Lagoela, a onde se dirixiu o operativo activado tras recibir o Centro Integrado de Atención ás Emerxencias de Galicia a chamada de alerta dunha testemuña do accidente.
Así, ante a dificultade de sacar á persoa do interior do vehículo, foron avisados os Bombeiros de Ribeira e Boiro, que, finalmente, liberaron á ferida e facilitaron a súa atención por parte do equipo de Urxencias Sanitarias de Galicia-061 desprazado no helicóptero medicalizado con base en Santiago.
Este operativo, que se puxo en marcha ás 12:30 horas, contou, ademais, coa colaboraron os voluntarios de Protección Civil da localidade e os axentes da Policía Local e Garda Civil de Tráfico.
