O Concello de Ribeira informou da apertura do prazo de matrícula para o curso 2020-2021 destinado a maiores de 50 anos e correspondente á cuarta edición do Ciclo da Universidade de Santiago na súa sede de ribeira, que se estreou no pasado outono.
O Programa de Maiores, IV Ciclo, dependente da Vicerreitoría de Igualdade, Cultura e Servizos a cargo de María del Mar Lorenzo Moledo, desenvolve este segundo curso do Diploma Sénior en Ribeira. A oferta formativa amplíase a 6 materias universitarias: medio ambiente; educación intercultural; historia da cultura de Galicia invitación a un concerto (educación pola música); astronomía; e introdución á ópera (novos medios, novas oportunidades).
As aulas impartiranse no Centro Cultural Lustres Rivas, sede da USC IV Ciclo en Ribeira. A matrícula está aberta ata o 31 de xullo. Pódese formalizar nunha ligazón específica da USC. Para máis información cómpre chamar ao teléfono 881 814 588 ou enviar un correo a ivciclo@usc.es.
