O Concello de Ribeira informa de que se lle foi notificada a concesión dunha axuda da Xunta outorgada pola Axencia Galega de Desenvolvemento Rural
(AGADER) destinada á mellora do firme de dous camiños situados no
municipio: un en Olveira de Arriba (na parroquia de Olveira) e o outro
no lugar de Carolo (Palmeira).
Esta doble actuación ten un orzamento total de 43.038 euros e o seu prazo de execución ascende a un mes. A axuda asignada ao noso municipio por AGADER alcanza unha contía de 19.161,36 euros.
Polo que se refire ao camiño de Olveira de Arriba (que ten 445 metros de lonxitude) a día de hoxe rexistra un firme de rodadura en zahorra con sobreanchos en ambos lados formados por terra e cubertos de vexetación herbácea. Conforme ao proxecto elaborado, o que se pretende é desbrozar e limpar toda esa vexetación que cubre os sobreanchos, nivelar o camiño e abrir cunetas, aplicar por zonas unha capa de zahorra artificial para acabar de regular o firme da vía e estender unha capa de aglomerado en quente de cinco centímetrosde espesor, incluíndo o compactado e o rego de adherencia.
Palmeira
En canto ao camiño de Carolo (que ñten 500 metros de longo), rexistra un firme de aglomerado asfáltico en mal estado, con sobreanchos a ambos lados cubertos igualmente de vexetación asfáltica.
Así e logo, vaise desbrozar e limpar a devandita vexetación e estender unha capa de aglomerado en quente de cinco centímetros de espesor nun labor que comprende o seu compactado e o rego de adherencia.
A liña de axudas en que se enmarca esta subvención é a resolución de 19 de decembro de 2019 pola que se aproba o Plan marco de mellora de camiños municipais de acceso a parcelas agrícolas 2020-2021, cofinanciado co Fondo Europeo Agrícola de Desenvolvemento Rural (Feader) ao abeiro do Programa de desenvolvemento rural (PDR) de Galicia 2014-2020.
