Incendio no Monte Enxa no Son

Pouco antes das sete da tarde detectouse un incendio na zona do monte Enxa, na parroquia de Noal en Porto do Son. Na extinción interveñen catro brigadas, unha motobomba, ademais de dous helicópteros e outros tantos hidroavións.

Segundo informa a Consellería do Medio Rural aínda non hai datos sobre o terreo que foi afectado polas chamas. O vento está a dificultar o operativo de extinción que está a tentar controlar o lume.

Incendio no Enxa visto desde a zona de Muros. Cedida