A Asociación Cultural Peñas Boiro puxo en marcha unha campaña de apoio ao comercio e ao sector hostaleiro local, baixo o lema Fai contorna e empregando a metodoloxía do sorteo de vales de compra. A iniciativa, activada este 2 de xuño, repartirá máis de cinco mil euros a través de diversos premios. Está previsto que remate o día 20 de xuño.
O xeito de participar é ben sinxelo: mercando e consumindo nos establecementos locais e depositando tíckets de compra cun importe superior a dez euros nas caixas que están diseminadas polos comercios de Boiro, cos nosos datos e co noso número de teléfono. Deste xeito estaremos a participar no sorteo dun gran premio de 500 euros para poder gastar o día 6 de xullo. Á iniciativa adheríronse máis de 110 negocios do concello.
