Boiro e A Pobra acollerá un curso de produción de festivais musicais

26 Xuño 2020

OLYMPUS DIGITAL CAMERA

Boiro e A Pobra do Caramiñal van acoller este verán un curso sobre industria musical, con vistas a achegar recursos sobre produción de festivais. A actividade, impulsada pola Fundación Paideia Galiza, desenvolverase entre o 7 de xullo e o 3 de setembro en formato presencial e está destinada a mocidade entre os 16 e os 29 anos.

O curso é gratuíto, está co-financiado polo Fondo Social Europeo, o Ministerio de Industria, Comercio e Turismo, e a Asociación de Desarrollo Local Deloa. Como dixemos, levarase a cabo no no Centro Social de Boiro e, tamén, na Pobra do Caramiñal. Consta dunha formación práctica e grupal de 82 horas outras 10 de titorías e orientación individual e personalizada.

A fundación Paideia busca con esta actividade “favorecer o desenvolvemento persoal e potenciar as competencias individuais, ofrecendo formación en diversas temáticas e sectores, propiciando a práctica, o debate e a participación”. En definitiva, búscase “achegar a mocidade aos axentes que interveñen na produción dun evento musical”.

Para participar na actividade non se require ningún tipo de formación nin coñecementos previos. Hai un máximo de 25 prazas e as inscricións poden facerse a través da web de Deloa e pode consultarse toda a información a través do enderezo electrónico deloa@deloa.es, o teléfono 981 817 000 ou vía Whatsapp no 606 026 202.

Outros artigos

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...