As ARI da nosa comarca xa poden solicitar fondos para avanzar en rehabilitación

30 Xuño 2020

O Goberno galego deu a coñecer este 30 de xuño a contía que vai adicar ás áreas de rehabilitación integral declaradas en 41 concellos do noso territorio, entre as que se inclúen as contornas históricas de Noia e Rianxo (Rianxo, Rianxiño e Fincheira). Serán 2,5 millóns de euros para a rehabilitación de vivendas e edificios de vivendas, urbanización e reurbanización.

O Diario Oficial de Galicia publicou a resolución pola que se procede a abrir o prazo para que os concellos con ARI soliciten a participación no programa de fomento da rexeneración e renovación urbana e rural do Plan de vivenda 2018–2021. O prazo para que os ditos concellos soliciten a súa participación no reparto de fondos en 2020 será dun mes.

O importe máximo da axuda por vivenda será da seguinte contía:

– 12.000 euros por cada vivenda obxecto de rehabilitación para actuacións de mellora da eficiencia enerxética e sustentación en vivendas, con redución da demanda enerxética.

– 8.000 euros para actuacións de conservación, da mellora na seguridade de utilización e da accesibilidade en vivendas.

– 30.000 euros por cada vivenda construída en substitución de outra previamente demolida.

– 2.000 euros por cada vivenda obxecto de rehabilitación e/ou por cada vivenda construída para as actuacións de mellora da calidade e sostibilidade do medio urbano.

– 4.000 euros anuais, por unidade de convivencia a realoxar, durante o tempo que duren as obras e ata un máximo de 3 anos, para as actuacións de realoxo temporal.

Esta convocatoria non inclúe as áreas de rehabilitación integral dos Camiños de Santiago nin a das Illas Atlánticas ou a da Ribeira Sacra, xestionadas directamente polo IGVS e non polos concellos. A convocatoria de axudas para as ARI dos Camiños de Santiago e das Illas Atlánticas publicouse o pasado 26 de febreiro e as da ARI da Ribeira Sacra realizarase nos próximos días. En total, as tres ARI supramunicipais xestionadas polo IGVS disporán dun total de 1.730.000 euros nas convocatoria de 2020.

Outros artigos

Morre en accidente de tráfico o músico noiés Brais Tomé

Noia está novamente de loito, tras confirmarse o falecemento este pasado serán (o luns 26), en accidente de tráfico, do músico local Brais Tomé, membro do coñecido Dúo Togayán. O Concello e a Corporación local mandan dende as redes sociais o seu profundo pésame á...

+

A Deputación da Coruña apoia o labor de Misela, Renacer e ADISBISMUR

O presidente provincial, Valentín González Formoso, nunha visita á sede de Misela, en Noia A Deputación da Coruña publicou no BOP deste luns 26 de febreiro a concesión provisional das subvencións dirixidas a entidades sen fins de lucro para o mantemento de programas e...

+

Publicidade

Revista en papel

Opinión

“Inseguridade social” – José Manuel Pena

“Inseguridade social” – José Manuel Pena

A Fundación Europea para a Mellora das Condicións de Vida e de Traballo da UE (Eurofound) sinala que “os sentimentos de inseguridade en varios aspectos da vida da poboación europea están estendidos, mesmo entre as persoas que están materialmente acomodadas. Os...