Aclarados incendios nos concellos de Rianxo e Ribeira entre outros. 26 detidos no que vai de ano

15 Xuño 2020

Axentes da Policía Autonómica da Xefatura de Santiago de Compostela, coa colaboración de axentes ambientais da Consellería do Medio Rural esclareceron catro incendios rexistrados nos concellos de Rianxo, Ribeira, Lalín e Mesía.

Os axentes da Policía Autonómica de Santiago de Compostela, en colaboración co persoal do Distrito Forestal IV-Barbanza, tomaron declaración a un varón como presunto autor dun lume forestal que se produciu o pasado 7 de xuño na parroquia de Araño do concello de Rianxo e que afectou 0,24 hectáreas de superficie arborada.

O incendio orixinouse por unha queima de restos agrícolas sen ter en conta as medidas de seguridade esixidas. No seu control e extinción participaron un axente forestal, un equipo do Distrito Forestal IV-Barbanza e unha motobomba de Dodro.

Por outra parte, efectivos a xefatura de Policía Autonómica de Santiago de Compostela, xunto con persoal dos distritos forestais, XVI Deza-Tabeirós, IV Barbanza e III Santiago Meseta Interior, identificaron aos autores de tres incendios forestais rexistrados nos municipios de Lalín, Ribeira e Mesía os días 23 e 31 do pasado mes de maio. Estas actuacións enmárcanse nos controis de queimas de restos agrícolas e forestais que se veñen realizando cada ano.

Os tres lumes foron provocados por queimas de restos agrícolas e forestais nas que non se levaron a cabo as medidas de seguridade correspondentes. Arderon 2.400 metros cadrados de monte raso e 100 de superficie arborada e foi necesaria a participación dos medios de extinción para o seu control e para o refrescado do lugar.

No que levamos de ano, foron detidas ou investigadas pola Policía Autonómica 26 persoas como presuntas autoras de incendios forestais.

Outros artigos

Falece unha ribeirense de 50 anos atopada no chan da súa casa

Unha muller de 50 anos, cuxa identidade responde as iniciais T.M.M., faleceu esta noite na súa casa da céntrica Rúa Méndez Núñez, de Ribeira. Segundo informa o Diario de Arousa , foi a súa parella a que ao redor das oito do serán chamou o 112 para comunicar que non...

+

Publicidade

Revista en papel

Opinión

“Oporto”. Alberto Barciela

“Oporto”. Alberto Barciela

Oporto puede seguirse en el sentido serpenteante de un río, o en la vertical de un océano, ascenderse o descenderse por meandros encajados en calles que a veces semejan acantilados, que siempre se precipitan hacia agua, una urbe universal cerca del tiempo que le tocó...