Motivos persoais que lle impiden dedicarse plenamente ao seu labor como concelleira do PBBI, son as razóns aducidas por Dores Elorduy para anunciar esta tarde que deixa a política local despois de trece anos como membro da corporación de Ribeira.
Arroupada polos demais integrantes do grupo municipal do PBBI, a edil agradeceu o apoio do partido e, principalmente dos votantes.
Afirmou que seguirá unida aos seus compañeiros de filas e deixa a porta aberta a unha posible volta cando se dean as circunstancias idóneas, así declarou: «Agora voume, pero non se o que ocorrerá nun futuro», á vez que puxo o valor os seus anos na corporación: «Alégrome da xente que coñecín e os grandes amigos que fixen, foi unha experiencia moi positiva». No seu lugar asumirá o posto a número oito da lista do PBBI, a palmeirán, Tania Redondo Fernández.
Dolores Elorduy iniciara a súa andaina política dentro do Partido Popular, formación que deixou no 2015 presentándose dentro PBBI nas eleccións municipais do ano pasado.
