Eliminado un vertido de augas residuais na parroquia de Corrubedo

16 Maio 2020

A Xunta vén de eliminar un punto de vertido de augas residuais á ría de Arousa, localizado na parroquia de Corrubedo, no concello de Ribeira.
Os traballos de inspección e os controis analíticos realizados polos técnicos do Plan de Control de Vertidos de Augas de Galicia no municipio permitiron identificar a súa orixe nunha condución dos inmobles de rúas próximas ao areal de Ribeira do Prado, que desaugaba directamente ao mar nesta zona de baño.
A administración hidráulica da Xunta realizou no ano 2015 actuacións para dotar de saneamento esta parroquia ribeirense e recentemente o Concello executou obras de carácter municipal para a renovación das liñas de saneamento e pluviais nas rúas Prado, Rocapellón e Campo da Agra.
Nunha nova inspección á zona, os inspectores autonómicos puideron constatar mediante o control analítico neste punto, que as obras realizadas pola entidade local permitiron a emenda do vertido.
Estas actuacións do Concello serán completadas coa retirada da condución submarina na contorna da praia e a súa adecuación como punto de desaugue de augas pluviais.

O Prado Corrubedo (Foto: Turismo de Galicia)

Outros artigos

En Ribeira a rapazada de Banda ó Río estrea un novo parque infantil

O barrio ribeirense de Banda ó Río estrea hoxe un parque infantil completamente renovado. O goberno local, xunto cun bo número de veciños e veciñas, puideron comprobar as novas instalacións de xogo. O investimento para actualizar o Parque de Pedra Pateira ascendeu a...

+

Publicidade

Revista en papel

Opinión

“O Barbanza: Cinco anos de xornalismo independente”

“O Barbanza: Cinco anos de xornalismo independente”

Hai cinco anos, en maio do 2019 nacía na súa edición dixital obarbanza.gal e uns días despois na de papel O Barbanza, sempre en galego e baixo a cobertura do Grupo Código Cero Comunicación. Dicíamos daquela que eramos un grupo de profesionais decididos a aventurarnos...