A aula CeMIT local do Concello de Boiro prosegue coa súa formación tecnolóxica a distancia para este tempo de confinamento, un tempo de parón social, económico e produtivo que podemos aproveitar para avanzar en coñecementos tecnolóxicos, creatividade e empregabilidade.
Se os días pasados falamos do curso de Informática Divertida para nenas e nenos e outras actividades previamente programadas que tiveron que adaptarse ao plano virtual, dende a web da aula CeMIT de Boiro infórmase de máis obradoiros con prazas libres a desenvolver a través da plataforma de teleformación EMA: un curso sobre Creación de Blogs (entre o 21 de abril e o 24) e outro sobre Creación de tendas en liña con Opencart (do 27 de abril ao 30 de abril), que se unen ao de Retoque de fotografías con GIMP e o de Trámites electrónicos para maiores que xa comezaron.
