O salón de plenos do Concello de Boiro foi escenario esta mañá da recepción dos estudantes do IES Praia Barraña e do procedente de Dinamarca que participa no proxecto Erasmus+, The importance of Education and History.
Durante a súa visita ao Consistorio, e acompañados do alcalde José Ramón Romero, o alumnado e profesorado danés formularon preguntas sobre o municipio e interesáronse sobre o sistema educativo.
A súa estadía na localidade estenderase ata o 7 de marzo, aproveitando a semana para coñecer a comarca do Barbanza e a zona atlántica de Galicia. Ademais, está prevista unha festa de despedida no local multiusos do mercado municipal, entre as 19.00 e as 22.00 horas, que contará coa asistencia das familias anfitrioas e de todo o alumando que participa neste intercambio bilateral entre España e Dinamarca.
