En tempos de pandemia e confinamento nos fogares, como facer para seguir contando con servizos de impresión e encadernado sen saír do domicilio, servizos por outra banda imprescindíbeis para a práctica obrigada do teletraballo e da teleformación das nenas e nenos que xa non poden ir ao colexio? A empresa ribeirense Neográficas (Neoprint) vén de achegar unha solución a esta resposta, trátase dun novo produto para levar as fotocopias e os encadernados que poidamos precisar ao noso domicilio, seguindo con “todos os protocolos de seguridade de manipulado e entrega segundo o Real Decreto do estado de alarma”.
A empresa anunciou que para os seus clientes locais de Ribeira non se cobrarán os gastos de envío. Os traballos pódense encargar par seren enviados a un domicilio puntual e, en palabras de Neográficas, “é un bota alternativa para achegar documentos impresos a calquera cliente, profesional ou alumno que requira proseguir cos seus estudos no seu domicilio mentres dure a crise sanitaria”.
O servizo ofrece produtos en cor ou branco e negro e en A4 ou A3. Tamén se poden elixir as cantidades desexadas, fotocopias a una cara ou a dobre cara. A continuación, o único que hai que facer é o subir ao carriño o produto elixido.
