Confirmada a presenza de Monolius Dop e Miguel Costas no vindeiro Rock & Dorna

31 Marzo 2020

Malia a pandemia e as obrigadas restricións para “capear o temporal” da mellor maneira posíbel, na nosa casa e agardando a que pase a ghalerna, as nosas entidades socio-culturais seguen adiante co seu importante labor, botando man das posibilidades que ofrecen as redes, argallando propostas para que cando todo iso remate boa parte do seu traballo de celebración cultural xa estea feito. É o caso da Real e Ilustre Cofradía da Dorna, impulsora da festa do mesmo nome, cuxa xunta directiva anunciou que está preparando (á conveniente distansia) as súas festividades. Neste intre, dende a ponte de mando debidamente acondisionada, xa confirmaron as actuacións de Monolius Dop e Miguel Costas (membro co-fundador de Siniestro Total) ao abeiro do Festival Rock & Dorna.

A confraría lembra que a primeira banda é un grupo de Noia que se está converter en “imprescindible nos carteis de todos os festivais galegos”. O segundo é “un músico sobradamente coñecido en Galicia e no ámbito estatal”, despois do seu paso por Siniestro Total e Aerolineas Federales.

Como dixemos, estas actuasións forman parte do Festival Rock & Dorna, evento que este ano chega á súa 28 sinjladura e que conta coa financiamento do Concello e da Deputación Provincial da Coruña. Celebrarase o día 23 de xullo.

Ánimo á comunidade dorneira e a todo o mundo

Amais de anunciar estas importantes novidades respecto do cartel deste ano, a directiva da confraría aproveitou para enviar “unha mensaxe de ánimo a todas as dorneiras e dorneiros”, así como a toda a poboación de Ribeira e da comarca, “esperando que o Estado de Alarma non se alongue ata o verán” e poder, todas e todos, “desfrutar dunhas festividades que animen á súa xente e contribúan a axudar á hostalería e comercio local despois desta situación excepcional”.

Outros artigos

O Concello de Ribeira xa dispón do seu propio bastón

Entrega do bastón de mando (imaxes de José Manuel Martínez, Concello de Ribeira) Na maña do pasado 14 de xuño celebrouse a xunta de coordinación ordinaria no Concello de Ribeira, unha xuntanza que rematou dun xeito que tivo pouco de ordinario: coa estrea oficial, no...

+

Ribeira homenaxea este martes á actriz Susana Sampedro

Este martes 25 de xuño o Concello, a Corporación e a cidadanía de Ribeira van render homenaxe á actriz local Susana Sampedro (Ribeira, 1978), recentemente distinguida co Premio Mestre Mateo 2024 á mellor actriz de reparto na longametraxe Matria, de Álvaro Gago,...

+

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....