Ata novo aviso e como método de prevención contra o contaxio do coronavirus, a Concellería de Cultura de Ribeira vén de comunicar que se apraza o acto inaugural da mostra titulada Reflexos da Costa da Morte, do artista aguiñense Manuel Ayaso, previsto para as 20.30 horas deste venres 13 no Centro Cultural Lustres Rivas.
Tamén quedan suspendidos tódolos actos culturais, presentacións de libros, espectáculos, obradoiros, conferencias e outras actividades que teñan lugar en centros culturais, cívico-sociais, Auditorio, casas da cultura, museos ou bibliotecas; así como actividades culturais municipais e, máis concretamente, os ensaios da Coral, escola de teatro e escola municipal de ballet desde mañá e nos próximos 14 días.
