Sete persoas participaron na acción formativa da man dos profesores José Fuentes e Antonio Navarro
O Museo do Gravado de Artes continúa achegando formación nesta disciplina artística co primeiro curso de gravado mural impartido nesta fin de semana a un total de sete artistas da man dos profesores José Fuentes e Antonio Navarro, o cal se desenvolve despois da incorporación do tórculo grande con motivo da ampliación do taller.
O primeiro tenente de alcalde, Vicente Mariño, participou na entrega dos diplomas e salientou “a vitalidade da que goza un centro museístico de referencia como é o Mugart, non só achegando exposicións, senón que tamén formando aos artistas”.




