A Asociación AMBAR, a entidade de inclusión social con sedes en Ribeira e A Pobra, vén de comunicar que, como medida para contribuír a frear o espallamento do COVID-10 na comarca e seguindo as actuacións descritas no protocolo conxunto da Consellería de Política Social e da Consellería de Sanidade para os centros de servizos sociais como consecuencia da situación e evolución do coronavirus, suspenderá a actividade nos servizos de atención diúrna durante un período inicial de 14 días, dende este luns até o 30 de marzo.
Segundo explica a asociación nun comunicado, “trátase dunha medida sen precedentes pero necesaria dadas as circunstancias actuais, por responsabilidade social ante as persoas socias e a sociedade en xeral”. Para calquera dúbida e entidade lembra a dispoñibilidade da conta de correo electrónico correo@asociacionambar.org.
