A raíz dos problemas derivados pola pandemia de COVID-19 e como medida preventiva para non acelerar o proceso de espallamento, a Real e Ilustre Cofradía da Dorna sumouse á longa listaxe de entidades que están a suspender as súas actividades colectivas para estes días e, de feito, anunciou que apraza para cando “o mar veña máis calmo” as saídas nas dornas que forman parte do patrimonio da confraría e que están a disposición das socias e socios.
As actividades formativas e de lecer da Escola de Vela dorneira quedan deste xeito canceladas até novo aviso, segundo fai saber o presidente da entidade ribeirense “dende a ponte de mando e con xabón nas mans” e desexándonos a todas e todos, tendo o conta o que se nos vén enriba, “unha corentena o menos mala posible”.
