O PSdG de Ribeira pide mellorar o pavimento e soterrar o transformador do García Bayón

13 Febreiro 2020

O PSdG de Ribeira, da man do seu voceiro José Vilas, presentou un escrito para ser tratado en pleno acerca do remodelado Parque García Bayón, que, malia os traballos levados a cabo para renovar o espazo de lecer infantil, ten unha serie de deficiencias que cómpre solucionar, explican os socialistas, poñendo o foco “nas eivas do pavimento”, cuxas plaquetas de gres están danadas nalgunhas zonas, o que pode carrexar problemas de accesibilidade e mesmo risco de caídas para os máis pequenos e para a xente de idade.

Segundo indica a agrupación, tamén segue pendente de resolución o requirimento feito en datas previas polo grupo municipal para “soterrar o transformador da empresa de subministro eléctrico”.

En base a todo a isto os socialistas instan ao Concello a habilitar unha partida orzamentaria para emendar as ditas deficiencias e mellorar o acondicionamento do parque, iniciando “os trámites oportunos coa empresa eléctrica para acadar o soterramento do dito transformador e que non signifique unha barreira arquitectónica na cidade”.

Outros artigos

O Concello de Ribeira reforza o alumeado público na rúa de Galicia

O Concello de Ribeira informou dun reforzamento do alumeado público nalgunhas contornas do centro urbano da cidade, concretamente no treito da rúa Galicia comprendido entre o Mercado Municipal e o cruzamento co Parque García Bayón. Segundo informaron fontes do...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...