A Policía Nacional detén en Ribeira a unha muller por un delito tráfico de drogas

Axentes da Policía Nacional adscritos á comisaría de Ribeira procederon este xoves 13 de febreiro á detención dunha muller de 37 anos como presunta autora dun delito contra a saúde pública por tráfico de drogas. A detención levouse a cabo ao abeiro dun dispositivo para a prevención da venda de sustancias estupefacientes no concello, cuxos traballos serviron interceptar e identificar unha muller que carrexaba unha bolsiña de peche hermético “de tamaño medio” que contiña cocaína no seu interior.

Á detida, que tiña antecedentes policiais por feitos semellantes, tamén se lle interviñeron a cantidade de 913,70 euros en efectivo en billetes e moedas de diverso valor, un terminal telefónico, unha báscula, e efectos para ocultar as sustancias devanditas. Tras tramitarse as correspondentes dilixencias policiais foi posta a disposición da autoridade xudicial.