A intervención ribeirense en Iñeiras, Lorenzo Mariño e Abesadas recibe 22 ofertas

05 Febreiro 2020
O tramo de Iñeiras onde se vai intervir

O Concello de Ribeira vén de facer balance das ofertas presentadas polas empresas para mellorar o tránsito peonil en Iñeiras (na parroquia de Olveira), na rúa Francisco Abesadas, en Aguiño, e nas Abesadas, no propio núcleo de Santa Uxía. O Executivo sinala que foron contabilizadas finalmente 22 ofertas para concorrer ás obras desta tripla intervención, dirixidas todas a mellorar a seguridade dos viandantes e, tamén, dos automóbiles, nos devanditos emprazamentos do termo municipal.

O Concello lembra que en Iñeiras, a zona na que se vai realizar a intervención consta dunhas beiras feitas en xabre (zahorra) compactada que van ser demolidas e substituídas por outras a base de formigón pulido, intercalado con franxas de lastros do mesmo material. Terán unha lonxitude de 500 metros.

O treito a mellorar da rúa Francisco Lorenzo Mariño

Polo que respecta á rúa Francisco Lorenzo Mariño, o Executivo ribeirense recorda que o tramo en cuestión está formado actualmente por soleiras de formigón que serán demolidas e no seu lugar colocarase un tramo de beirarrúa de baldosa hidráulica ao longo de 37 metros.

Por último, no que se refire a Abesadas, a área na que se vai actuar, emprazada a carón da rotonda da Poutada, é un pavimento de terra. Así, informa o Concello, “ao igual que no punto sinalado no parágrafo anterior e co fin de afianzar a seguridade viaria estenderase un tramo de beirarrúa con baldosa hidráulica nunha lonxitude de 60 metros”.

O importe da tripla actuación ascende a 68.475,09 euros, IVE incluído, financiados no marco do Plan Provincial de Cooperación ás Obras e Servizos de Competencia Municipal (Plan Único de Concellos) POS+ 2018. O prazo de execución son dous meses.

Outros artigos

Falece unha ribeirense de 50 anos atopada no chan da súa casa

Unha muller de 50 anos, cuxa identidade responde as iniciais T.M.M., faleceu esta noite na súa casa da céntrica Rúa Méndez Núñez, de Ribeira. Segundo informa o Diario de Arousa , foi a súa parella a que ao redor das oito do serán chamou o 112 para comunicar que non...

+

Publicidade

Revista en papel

Opinión

“Oporto”. Alberto Barciela

“Oporto”. Alberto Barciela

Oporto puede seguirse en el sentido serpenteante de un río, o en la vertical de un océano, ascenderse o descenderse por meandros encajados en calles que a veces semejan acantilados, que siempre se precipitan hacia agua, una urbe universal cerca del tiempo que le tocó...