O Revolutrion Trail Series 2020 arranca o domingo 26 co Trail da Cidá

18 Xaneiro 2020

O cuarto Trail da Cidá convértese na primeira proba da sexta edición do Revolutrion Trail Series 2020, con saída e chegada da praza do Concello de Ribeira, ás 11.00 horas do domingo 26. Nesta ocasión, renóvase nun 80% o percorrido, ofrecéndolle aos participantes a posibilidade de transitar por paraxes simbólicas do municipio tales coma a Pedra da Rá, o Castro da Cidá ou o Parque Periurbano de San Roque. Así o desvelaron esta mañá a concelleira de Deportes, Juana Brión; e Eduardo Iglesias, en representación de Arousa NeO, entidade que promove este evento deportivo.

A edil Juana Brión expresou o seu agradecemento aos organizadores e animou a que a xente se sume a esta actividade na que poderán “desfrutar das paisaxes novas que ten o recorrido.”

Pola súa banda, Eduardo Iglesias anunciou que o traxecto constará dunha lonxitude de 14 quilómetros, cun desnivel positivo de 629 metros. No quilómetro 2’2 haberá unha meta volante, así como un avituallamento intermedio no quilómetro 8.

Ademais, está programada unha quedada para o domingo 19, ás 10.00 horas, na praza do Concello co obxectivo de dispoñerse a probar o circuíto en grupo.

As inscricións para o Trail da Cidá permanecerán abertas ata a medianoite do mércores 22, cun custe de 10 euros; mentres que a data límite para o Revolutrion Trail Series 2020 establécese ás 09.00 horas do luns 20, a un prezo de 45 euros. En ambos casos poden formalizarse a través das páxinas web www.trailseries.run ou www.arousa.com, agardándose acadar os 400 participantes do pasado ano. Polo de momento, hai 64 persoas anotadas na primeira proba, ás que lle hai que sumar as 93 que o fixeron na totalidade das citas que conforman este evento deportivo, superando a cifra dos 150.

As seguintes citas integradas no referido circuíto son o Trail de San Isidro, o 16 de febreiro na Pobra do Caramiñal; XtoSín Trail, o 15 de marzo en Porto do Son; Trail de San Lois, o 19 de abril en Noia; e Barbanza 42K, o 10 de maio, con saída de Ribeira e traxecto pola serra do Barbanza.

Outros artigos

Adxudicada a pavimentación da rúa Lorenzo Mariño de Aguiño

O Concello de Ribeira vén de adxudicar a pavimentación da rúa Lorenzo Mariño na parroquia de Aguiño, cun orzamento de 132.225 euros e un prazo de execución de 2 meses. Segundo explican fontes do Consistorio, a rúa Francisco Lorenzo Mariño é unha das vías con mais...

+

O xurelo e o lirio de Ribeira viaxan a SALIMAT da man da OPP83

A Sociedade Cooperativa Galega do Mar Santa Uxía de Ribeira (OPP83) viaxará a Silleda para participar no 27o Salón de Alimentación do Atlántico, SALIMAT Abanca 2024. A OPP83 realizará unha degustación para os asistentes na que dará conta das excelencias do xurelo e o...

+

A XXIV Mostra de Teatro Infantil de Ribeira arrinca este 31 de maio

Este martes 28 de maio a concelleira de Cultura, Antía Alberte, presentou a vixésimo cuarta edición da Mostra de Teatro Infantil de Ribeira Daniel Gómez Ramil. Fíxoo na compaña de Óscar Romero, director do grupo infantil municipal. Esta mostra, sinalaron, permite pór...

+

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...