O BNG ribeirense culpa a Manuel Ruiz de que a xestión da EDAR recaia na Xunta

10 Xaneiro 2020
Cedida polo BNG de Ribeira

O BNG de Ribeira vén de pronunciarse sobre as declaracións feitas polo alcalde Manuel Ruiz no día de onte en relación coa xestión da EDAR. Os nacionalistas expresan que lles causa sorpresa, xa que, segundo informan, non recibiron petición ningunha para revogar o acordo plenario do 30 de decembro.

O concelleiro Luís Pérez Barral manifestou que o Bloque é “moi crítico coa nefasta actuación que Ruiz está facendo coa depuradora”, engadindo que cre “inaudito” ter coñecemento polos medios de comunicación de que o PP abordará a posibilidade de revogar o referido acordo plenario. En relación a isto, esgrimiu que “o BNG non vai sacarlle as castañas do lume a Ruiz por algo que é culpa súa.”

O edil nacionalista quixo remarcar que a formación á que pertence “sempre tivo un posicionamento moi claro e defendeu a xestión pública municipal da depuradora garantindo un funcionamento correcto en toda a infraestrutura que fose comprobado mediante a realización de dúas auditorías externas.” Tamén puntualizou que os resultados debían ser positivos e presentados publicamente ante a veciñanza e os grupos da corporación municipal. Pérez Barral apuntou que “esta proposta fora aprobada grazas a unha emenda do BNG presentada en agosto e Ruiz, no canto de ter rabechas, debe dar cumprimento dela”, ademais de asegurar que “a mala actuación do goberno local” ocasiona que a xestión vaia pasar a mans da Xunta e que “poida incluír un tarifazo á veciñanza.”

Desde o Bloque lembran que rexistraron alegacións para frear a suba na taxa de saneamento, contemplando reducións xerais para a cidadanía, negocios e bonificacións  a colectivos vulnerables ao considerar que “a mala xestión de PP non pode pagala a veciñanza e negocios cun tarifazo no recibo de 100 euros ao ano a maiores.” Ademais, anuncian que informarán aos seus deputados e deputadas para evitar, no Parlamento de Galicia, que a Xunta repercuta os custes na poboación.

Ao igual que fixera no pleno extraordinario do 30 de decembro, Pérez Barral sostivo que tanto o PP coma membros do PBBI, “sempre se opuxeron ao modelo proposto polo BNG que consistía en facer depuradoras máis pequenas, distribuídas nas valgadas naturais do territorio e unha destinada a residuos industriais.” Un modelo que, tal e como insisten, “implicaría un menor custo de mantemento e bombeos ao non ter que trasladar os residuos durante 13 quilómetros e 7 tanques de tormenta.”

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...