Ao redor das 18.00 horas de onte recibiuse aviso dun incendio nunha casa deshabitada no lugar de Viñas, na parroquia ribeirense de Artes. As lapas afectaron ao conxunto do inmoble, causando unicamente danos materiais, colapsando o seu interior ao ser de madeira. Ata lugar desprazáronse bombeiros de Ribeira, de Boiro, Policía Local e Policía Nacional. A intervención rematou en torno ás 21.00 horas.
A segunda actuación desenvolveuse nun piso situado na rúa Linares Rivas de Santa Uxía. Os feitos producíronse ao redor das 20.00 horas, cando ardeu un recipiente metálico colocado encima dunha mesa camilla, afectando tamén a este moble que quedou parcialmente queimado. Mobilizáronse bombeiros de Ribeira, Policía Local, Policía Nacional e ambulancia do 061. O operativo finalizou pouco antes das 21.00 horas e neste caso, a pesar de que a vivenda estaba habitaba, tamén só houbo danos materiais.