O Concello de Ribeira, no marco da colaboración coa Fundación Ronsel, impartirá unha xornada de promoción do emprego autónomo dirixida a todas aquelas persoas interesadas na posta en marcha de proxectos empresariais.
A cita desenvolverase o 21 de novembro, en horario de 10.00 a 12.00 horas, no viveiro de empresas. Entre os contidos a tratar figuran as tendencias e modelos de negocio; como analizar a viabilidade dun proxecto empresarial; recursos e axudas para a posta en marcha e consolidación dunha empresa; ademais de networking entre os participantes.
As persoas interesadas poden formalizar a súa inscrición de forma gratuíta no viveiro de empresas, no teléfono 981871497 ou no enderezo electrónico orientacionriveira@riveira.com. Os datos que deberán indicar son nome e apelidos, teléfono e correo electrónico de contacto.
