Boiro ofrece unha exposición fotográfica e celebración do Magosto na xornada do sábado

O Centro Social de Boiro dará cabida o sábado 16, a partir das 13.00 horas, á exposición de fotografías realizadas polo músico Fran Velo, as cales sube diariamente ás redes sociais amosando a súa faceta de instagramer. Así, a temática das imaxes céntrase en solpores e paisaxes do Barbanza.

Por outra banda, na tarde desa mesma xornada, ás 18.00 horas, a praza situada detrás do citado edificio acollerá a celebración do Magosto. Unha cita organizada pola Asociación Xilbarbeira, onde haberá castañas, música e baile tradicional.