Comezan as clases de secundaria nos institutos da comarca

16 Setembro 2019
O IES de Coroso, en Ribeira, visto a golpe de Google Street View

20190916 Hoxe 16 de setembro comezan as clases preto de catro milleiros de estudantes de secundaria, bacharelato e ensinanzas de réxime especial pertencentes aos concellos de Arousa Norte, que se repartirán principalmente entre os seguintes centros educativos: o IES Leliadoura (Ribeira), o IES nº 1 de Coroso (Ribeira), o Colexio Bayón (Ribeira) o IES Pobra do Caramiñal, o IES Praia de Barraña (Boiro), o IES A Cachada (Boiro), o IES Espiñeira (Boiro) e o IES Félix Muriel (Rianxo). A nivel galego estamos a falar de 148.144 mozas e mozos que comezan hoxe a súa actividade formativa.

Cómpre lembrar que as cifras de matriculación achegadas pola Consellería de Educación non serán definitivas ata dentro dunhas semanas, dado que aínda nos últimos días se realizaron exames de recuperación en secundaria. De feito, neste total tampouco se contempla o alumnado de FP, que aínda ten aberto o prazo de matriculación (e ao abeiro do cal estímase que estudarán medio milleiro de rapazas e rapaces da nosa contorna).

A nivel galego, a cifra de alumnas e alumnos que empezan hoxe a cursar a ESO é de 92.862 alumnos e alumnas, o que supón un 0,4 % máis ca no curso 2018/19. No que se refire ao bacharelato, a cifra total de estudantes é de 30.973, o que supón un 1,5% máis ca no curso 2018/19. A cifra de alumnos que comezan a cursar as ensinanzas de réxime especial é de 12.638 estudantes, un 4,8% máis ca no anterior curso.

Outros artigos

A Riola 2025: Todo Listo para o Máster de Futbolín en Outes

O tradicional "Máster de Futbolín "A Riola 2025" xa quenta motores para unha das competicións máis esperadas do verán. Do 1 ao 3 de agosto, a localidade de Outes, na Ría de Muros e Noia (A Coruña), acollerá este evento que reunirá a xogadores e afeccionados de toda...

+

Publicidade

Castiñeiras

Revista en papel

Opinión

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.