20190890. Os campamentos de conciliación do Verán Cultural de Ribeira puxeron hoxe o seu broche de ouro cun festival de clausura no Auditorio municipal no que, ademais do cento de rapaces asistentes no mes de agosto, contou coa presenza de numerosos pais e nais que encheron o patio de butacas e non perderon detalle da evolución dos seus fillos sobre o escenario.
O espectáculo durou algo máis dunha hora na que os cativos marabillaron cos seus vestiarios e coas súas actuacións de música e baile distribuídos en cinco grupos: catro do Xoga con Nós e un do Camp of Cultural Summer.
Concluído o festival, a concelleira de Cultura, María Sampedro, felicitou aos participantes polo seu talento e clausurou os campamentos coa entrega dos correspondentes diplomas.
