20190814. Ao longo desta semana desenvolveranse en Rianxo numerosas actividades culturais, tanto organizadas polo Concello coma por outras entidades. Deste xeito, celebraranse as Festas de Isorna do 15 ao 18 con entretemento para tódolos públicos; mentres que o venres 16 terá lugar Música na Noite co espectáculo A estrada da vida de Manoele de Felisa, o obradoiro de escrita Palabra de escritor e a conferencia A literatura é redonda. Sobre os libros infinitos e a circularidade do tempo narrativo, ambos a cargo de María Ovelar.
O sábado 17 chega o XV Festival de Baile e Música Tradicional Aleivosía da Asociación Fogo Fatuo, así como novamente o obradoiro de escrita Palabra de escritor impartido por María Ovelar, o cal tamén se desenvolverá o domingo 18.
