20190814 O músico galego Manuel Vázquez Fernández, máis coñecido como Manoele de Felisa, vai estar en Rianxo este venres 16 para ofrecer un concerto a residentes e visitantes. Será na praza Rafael Dieste a partir das 22.00 horas. A actuación do cantautor de Cuntis insírese na xira A estrada da vida, naque pon música áobra literaria do estradense Xosé Luna. O concerto, que forma parte do programa Rede Cultural da Deputación da Coruña, insírese tamén no ciclo Música na Noite do Concello de Rianxo.
A xira comezou o ano pasado coa presentación do proxecto A Estrada da vida, un libro disco no que, como dixemos, Manoele de Felisa pon música aos poemas de Xosé Luna, escritor, profesor e editor da Estrada. A diferenza do que adoita acontecer neste tipo de proxectos, xeralmente asociados a estilos clásicos de canción de autor, a confluencia entre ambos artistas deu lugar a unha luminosa escolma creativa, unha obra pop influenciada pola música dos anos oitenta.
En A Estrada da vida Manoele de Felisa dálle unha viraxe a obras de Luna como o Libro dos bicos, A Estrada Pop ou Memorias do Cairo. O libro disco vén cun prólogo de Xosé Manuel Lobato e está ilustrado pola artista Amalia López Brea, Luchi.
