20190808. O salón de actos do centro social de Boiro acollerá este venres 9, ás 20.00 horas, a presentación da última obra de José Villacís González: Irresistible, señor juez. Villacís, profesor de macroeconomía recentemente xubilado na Universidad CEU San Pablo de Madrid, ofrece unha historia protagonizada por Luís Vila, un catedrático e xornalista, desenrolándose nunha comarca do Barbanza envolta nun clima xudicial e misterioso de crimes. Cómpre sinalar que Villacís xa conta cunha ampla bibliografía publicada, entre a cal se atopan libros que abordan temas coma a economía ou a grafoloxía, entre outros.
O autor estará arroupado no acto por Luís Blanco Vila, catedrático de universidade e xornalista, e por José Ramón Romero, alcalde de Boiro.
Ao finalizar, terá lugar a sinatura de exemplares.
