20190805 A Festa da Dorna 2019 (LXXI singradura) de Ribeira rematou, pero non de todo, porque aínda queda unha conta pendente cos socios e socias, unha das actividades máis históricas do repertorio de celebracións dorneiras. Falamos do Cea-Baile de Gala, en palabras da Real e Ilustre Cofradía da Dorna, organizadora da festa do mesmo nome, “a mellor maneira que poñer fin á singradura”. A xuntanza será este 9 de agosto, venres, no restaurante Baiuca.
A cea (que ten prazas limitadas) comezará ás 21.30 horas e o baile (con aforo limitado) sobre as 23.58. Segundo informa a organización, haberá autobús de ida e volta. Tamén se lembra que para quen queira máis información sobre os detalles da cita, están dispoñíbeis en festadadorna.gal e máis no Facebook da Cofradía.
