20190711. A Policía Local de Ribeira vén de anunciar que o domingo, 14 de xullo, desde as 09.00 ata as 13.00 horas, non se poderá circular por onde transcorra a V Carreira pola Diversidade.
Por este motivo, aconsellan a retirada de vehículos das zonas da avenida do Malecón, García Bayón, paseo das Carolinas e avenida A Coruña. Aqueles que non fosen retirados antes da hora expresamente indicada na sinalización provisional colocada para este evento deportivo, serán levados pola grúa municipal ou inmobilizados in situ ata a finalización da carreira.
Ademais, ao centro de saúde e toda a zona portuaria só se poderá acceder e saír pola rotonda da Comandancia, dirección rúa Romero Ortiz ou estrada de Castiñeiras, DP-7307. Así mesmo, estableceranse as paradas de autobús na zona de carga e descarga da rúa Miguel R. Bautista, onda Levirsa, e no cruce das rúas Galicia-Barreiro, onda a farmacia de Calo.
Desde a organización piden desculpas polas molestias e agradecen a colaboración e comprensión prestada, polo interese xeral e da seguridade.
