20190730 O pallaso-malabarista Antuán de la Cream estará os días vindeiros en Escarabote (Boiro) para complementar, con risas e diversión, os días de lecer estival da rapazada. Será un espectáculo de circo-clown para todos os públicos, de balde, a desenvolver na praza da Agramuíña, fronte ao Centro Social de Escarabote. A cita está fixada para o 14 de agosto a partir das 21.00 horas. Organizan o Concello e máis a axencia autonómica AGADIC.
Antuán de la Cream, para que non o coñeza a estas alturas, é un artista multidisciplinar que divirte e marabilla a partes iguais, ao máis puro estilo clown. Os seus espectáculos, que deixan moita marxe para a improvisación, adoitan ser un fluxo constante de problemas (nos que el mesmo se mete, sen axuda de ninguén) que precisan ser resolvidos da súa man, e coa axuda da cativada que haxa público. Desde 2008 Antuán da Cream presentouse en máis de 250 funcións, por cidades e festivais de toda a xeografía estatal.