20190719 A Consellería de Infraestruturas e Mobilidade, a través de Augas de Galicia, vén de adxudicar a mellora do depósito de Moldes, no concello de Ribeira, que é o que abastece de auga aos termos municipais da comarca do Barbanza. O proceso foi adxudicado á empresa Espina y Delfín, con sede principal en Santiago e especializada en obras públicas e na xestión integral do ciclo da auga. O orzamento é de 48.000 euros e as obras teñen un prazo de execución de 4 meses.
En detalle, os traballos a realizar consisten na optimización do depósito de cabeceira que abastece a Ribeira e Pobra do Caramiñal, e que acubilla auga da ETAP do río Ulla. Neste depósito precederase a substituír as partes deterioradas e subministrar un sistema de dosificación de hipoclorito sódico, así como de un contabilizador de cloro en continuo alimentado por enerxía solar. Tamén se inclúe unha nova execución dunha caseta de reactivos e a adaptación das instalacións de control para o envío a distancia de información da análise permanente de cloro.
