20190625. Arousa NeO organiza para o próximo mes de xullo dúas visitas a dous dos arquipélagos encadrados no Parque Nacional das Illas Atlánticas. A primeira será a Sálvora Starlight o sábado, 6 de xullo, desde as 16.00 ata as 01.00 horas. A saída e chegada en barco será desde Ribeira cun custe de 35 euros. Entre as actividades inclúese a ruta do faro, a ruta da aldea e unha observación do ceo nocturno, entre outras.
Por outra banda, a viaxe á illa de Ons está programada para o domingo, 28 de xullo, desde as 09.00 ata as 21.00 horas. A saída e chegada en barco será tamén desde Ribeira, cun límite de 200 prazas e un custe de 17 euros para persoas a partir de 13 anos (inclusive), de 10 euros para nenos e nenas de 3 a 12 anos e de balde para cativos menores de 3 anos acreditando a súa idade mediante a presentación dun documento de identificación. Entre as actividades inclúense rutas polos cantís da enseada de Caniveliñas, o Miradoiro de Fedorentos, o Burato do Inferno e polo sendeiro do faro, así como o desfrute das súas praias, entre outras.
Para máis información e realizar a correspondente inscrición poden visitar as páxinas web www.andainas.com e www.arousa.com.
