A Aula CeMIT de Ribeira contará con novos cursos gratuítos este mes de xuño para que toda a veciñanza do municipio poida seguir aprendendo cursos vencellados ás novas tecnoloxías.
Por unha banda, do 18 ao 27 de xuño, tódolos martes e xoves de 10.30 a 12.30 horas desenvolverase a proposta denominada Non tires nada. Véndeo a través de Internet. E pola outra, do 17 ao 26, tódolos luns e mércores de 10.30 a 12.30 terá lugar a titulada como Accede a túa factura da luz a través da Internet (dende o ordenador e o móbil).
En ambos casos, a inscrición pódese formalizar na propia Aula CeMIT situada na rúa 1 Cubeliño, baixo, por teléfono no 981876043 ou ben no enderezo electrónico https://cemit.xunta.gal/es/centro/67.
