A Asociación Francisco Lorenzo Mariño (AFLM) de Aguiño celebrou esta fin de semana a nova edición da Semana Cultural de Aguiño, que chegou á súa decimo novena edición.
O primeiro día o venres 26 o filólogo e mestre Fernando Cabeza Quiles acompañado do fotógrafo local Antonio Parada Mariño, deron unha conferencia sobre toponimia local baixo o título Os topónimos da terra e do mar de Aguiño cunha proxección de imaxes dos lugares e elementos dos que se fale, realizadas por Antonio Parada “Tucho Parada”.
A xornada continuou cunha actuación musical do grupo de canto e pandeireta As 7 linguas da asociación, que interpretaro cantar e xota de Rubión, pasodobre e xota de Mondariz e zaraghallada de muiñeiras, formada por 8-10 integrantes coa profesora Manola Valiño. Na mesa estiveron a presidenta da asociación, Elvira Pisos e Vicente Mariño de Bricio, 1º Tenente Alcalde. Concelleiro delegado de Servizos Sociais e Mercados Municipais.
O sábado 27 celebrouse o acto do 20 aniversario do pasamento de Francisco Lorenzo Mariño, que finou o 16 de xaneiro de 2004; primeiro ás 17 h cunha ofrenda floral e lectura de manifesto cunhas gaitas do país no cemiterio de San Vicente de Noal en Porto do Son, onde está soterrado, e despois coa misa aniversario na igrexa parroquial de Aguiño ás 19 h; pechou o día un espectáculo de música e contos tradicionais titulado Tralalareira a cargo de Vero Rilo e Santi Cribeiro (do grupo Berrogüeto) no conservatorio de Aguiño ás 20 h.
O domingo 28 os máis cativos tiveron a oportunidade de asistir a un espectáculo infantil e familiar a cargo de Tarabelos baixo o título Debulando lendas galegas, será ás 18 h no Conservatorio de Aguiño.
