Coincidindo co aniversario da súa morte, un grupo de veciños de Aguiño desprazáronse ao cemiterio de Porto do Son para renderlle homenaxe a Francisco Lorenzo Mariño.
Elvira Pisos, presidenta da asociación que leva o seu nome, leu un texto para lembrar o traballo feito polo párroco: «Contigo comezouse a edificar a parroquia, empezando polo templo, pero tamén o tecido social». Manifestou o compromiso da entidade de manter vivo o seu legado, «creando cultura para o pobo e dende o pobo, cas portas abertas a aqueles que queira aportar o seu grao de area».
