Barbanza Arousa e a Deputación da Coruña presentan o documental “Voces da Conserva”

18 Xaneiro 2024

No boirense Pazo de Goiáns estreábase este mércores 17 de xaneiro o documental Voces da Conserva, da Mancomunidade Barbanza Arousa, financiado con fondos da Deputación da Coruña encamiñados a potenciar a estratexia turística do territorio. No acto da estrea o vicepresidente Xosé Regueira salientaba o potencial da conserva como recurso turístico, ao tratarse dunha “industria con moita historia e identidade, que é patrimonio, cultura e marca país e que debemos potenciar con orgullo”.

Asemade, Regueira subliñou tamén o traballo da Mancomunidade, que demostra “moito cariño polo territorio, buscando produtos turísticos de diferenciación e de calidade”. Exemplo diso é o patrimonio conserveiro, “un elemento fundamental, de memoria, sinónimo de desenvolvemento, e tamén de mulleres traballadoras, que temos que poñer en valor como país”.

Cómpre dicir que esta peza audiovisual enmárcase na campaña turística da Mancomunidade Barbanza Arousa e promove a concienciación e sensibilización sobre a importancia histórica da conserva e as fábricas de salgadura a través do seu patrimonio material e inmaterial.

Alén disto, dicir que na Feira Internacional de Turismo (FITUR) a Mancomunidade levará este documental a xeito de representación da súa identidade conserveira como reclamo turístico de máximo nivel. Unha aposta que vai en liña coa estratexia da Deputación. “Dirixímonos a un perfil que busca calidade e tamén, neste caso, un turismo baseado na industria e no patrimonio” sinalou Regueira. “Para iso, debemos sentirnos orgullosos da tradición conserveira do país, onde somos líderes non só pola cantidade, senón tamén pola calidade”.

Outros artigos

Ribeira organiza unha charla sobre compostaxe doméstica e comunitaria

O Concello de Ribeira organiza a charla Compostaxe doméstica e comunitaria, unha actividade que busca achegar á veciñanza as claves para transformar osresiduos orgánicos en compost e darlles unha segunda vida. A cita será o mércores 21 de outubro, ás 19:30 horas, no...

+

Publicidade

Revista en papel

Opinión

“A lei é para todos… salvo para algúns?” – José Luis Calo

“A lei é para todos… salvo para algúns?” – José Luis Calo

Hai case oito séculos, as Sete Partidas de Alfonso X pretendían establecer unhas regras comúns para ordenar a sociedade. Hoxe vivimos nunha democracia con leis e mecanismos de control, pero segue vixente unha pregunta fundamental: de que serven as normas se quen debe...

“Indefensión frente a la nesciencia”. José Fernández Lago

“Indefensión frente a la nesciencia”. José Fernández Lago

Soy un ciudadano de a pie, que no entiendo el organigrama gubernativo. Cierto que me siento con el derecho de considerar que los que ostentan algún tipo de cargos deberían tener los estudios oportunos, y no simplemente facilidad para comunicarse entre ellos y para...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.