O Concello de Boiro inicia as obras para a mellora a eficiencia enerxética no Centro Social de Cures, unha actuación dun importe de 155.765,08 euros que conta co financiamento da Deputación da Coruña mediante o Plan Único Concellos (POS+). O alcalde, José Ramón Romero, e o concelleiro de Urbanismo e Obras, Luís Ruiz, visitaron o edificio para coñecer o estado de execución das obras.
Segundo explicaron, as obras que se están a levar a cabo son o cambio da cuberta de fibrocemento existente por un illamento sobre forzado horizontal para a mellora do envolvente e falso teito con illamento. Vaise realizar tamén a impermeabilización das fachadas e o cambio das carpinterías exteriores para a mellora da eficiencia enerxética.
As actuacións completaranse coa instalación dun sistema de ventilación con recuperador de calor e a substitución de luminarias a LED; así como outras actuacións interiores para o cambio de carpinterías e o pintado de todas as estancias.
O alcalde, José Ramón Romero, afirmou que esta actuación está dentro do “plan de actuacións que estamos a levar a cabo para a mellora dos distintos centros sociais do municipio que son un lugar de encontro social e cultural para a nosa veciñanza”.
