A Comisaría de Policía Nacional de Ribeira (emprazada na contorna de Fontán, no 21 da avenida das Airós) vai acoller este 13 de xaneiro, o acto institucional de celebración do Bicentenario da Policía Nacional. As actividades previstas inclúen un izado conmemorativo da bandeira.
A Policía Nacional foi creada a través de Real Cédula o 13 de xaneiro de 1824, sendo o seu xermolo a Policía Xeral do Reino, o antecedente histórico da institución policial, primeiro corpo policial con dimensión nacional coa función de “garantir o ben e a seguridade pública”. Este fito histórico marcou a orixe do que hoxe coñecemos como “a Policía de todos os españois”. A Policía Nacional é polo tanto o corpo estatal máis antigo de todas as Forzas e Corpos de Seguridade de España.
